請選擇 進入手機版 | 繼續訪問電腦版
開啟輔助訪問
 找回密碼
 立即註冊

Sign in with facebook

Connect with friends.

樂活台灣網 誠徵各版版主及各類型文章 歡迎你踴躍參與 詳情請按此 2017-11-17
樂活台灣網 首頁 移民資訊 移民參考 查看內容
分享到:

【生活指南一】香港人台灣租屋好頭痛?租屋睇真啲!

2017-11-6 13:54| 發佈者: samlam| 查看: 1219| 評論: 0

摘要: 【生活指南一】香港人台灣租屋好頭痛?租屋睇真啲!相信唔少香港人都會有台灣搵屋嘅問題,無論係黎讀書、公幹、移民、投資或者短期旅行都需要租屋。台灣一般通常都係一年租約,未夠一年都係叫「短期租約」,而且都有...
【生活指南一】香港人台灣租屋好頭痛?租屋睇真啲!

相信唔少香港人都會有台灣搵屋嘅問題,
無論係黎讀書、公幹、移民、投資或者短期旅行都需要租屋。

台灣一般通常都係一年租約,未夠一年都係叫「短期租約」,
而且都有幾多包租公/婆為左唔想住客換黎換去,所以唔接受短期租約。
就算有可以短期租約嘅,租金都會比一般貴20%左右。

 

房屋用詞識幾多?
一開始無論搵租定買果時,你都可能會去上啲房屋網探下路先,
例如591房屋交易,睇下你想住果區大概有咩類型嘅樓盤,
大概幾錢,多唔多同類型樓盤放租等等。

第一次上啲房屋網,可能你睇到某啲用詞會一頭霧水,
唔緊要,等我同你逐一解構:
雅房:簡單啲講即係板間房/劏房,或者係同人地一齊住,
   要同人共用廁所,同埋空間比較細,
   當然,價錢都會比套房平。
套房:即係有連個人廁所沖涼房嘅,而大部分都會包埋一啲基本嘅生活傢電,
   例如床、冷氣、雪櫃、電視、書檯、凳等等,
   通常房屋網上面都有列明包啲咩野。
樓中樓:一套住宅佔兩個樓層,有內部樓梯。
公寓:即係唐樓,比較舊少少嘅大樓,通常都係無看更同無電梯
電梯大樓/華廈:有電梯嘅,比較新少少,有看更,有部分仲有會所同垃圾房,
              所以通常要比管理費。
透天厝/別墅:成棟都係自住,透天厝似村屋,別墅就靚啲可能會有電梯
      某啲都會有看更同垃圾房,所以有社區嘅都要比管理費。

住邊區點揀?坪同呎又點分?
台灣都有好多地區,最重要就係你想要啲咩生活環境。
例如如果你習慣左香港公共交通方便、熱鬧嘅環境,可能你就會揀台北市區;
如果想係熱鬧市區同荒郊平靜之間搵平衡點嘅,可能你就會揀台中;
如果係想體驗傳統文化,嚮往古色古香,可能你就會揀高雄/台南;
如果想修心養性,享受大自然好山好水好風景,可能你就會揀台東。

台灣每個地方各有特色,會比到你唔同嘅感受。
但我建議你決定住邊區前,先了解果區嘅「生活機能」,
咩係「生活機能」呢?
指嘅就係住屋附近一啲有關生活嘅野,例如交通方唔方便,附近有無車站、
有無街市、超級市場、醫院、診所、銀行、學校、商場、便利店等等。
因為如果你係無車牌無個人交通工具嘅話,就要依賴公共交通工具,
住屋附近嘅生活機能就變得好重要。

而香港嘅樓係用「呎」(平方英尺)作為單位,但台灣就係用「坪」。
一坪大概係35.6呎。
但台灣都有分「建坪」、「實坪」、「虛坪」,
就好似香港嘅「實用面積」同「建築面積」嘅分別。
建坪」:所有樓層嘅底板面積加總,包含露台、會所等面積。
實坪」:佔地總面積,不包含露台、騎樓、會所等實際面積。
虛坪」:非私人使用面積、會所面積。
 

實地考察好重要!
千其唔好信網上間屋嘅相,自己對眼最可靠!
同埋親自睇樓除左可以知道屋況之外,可以同包租公/婆見下面,
睇下溝唔溝通到先,又可以了解下附近嘅環境究竟係咩地方。
但係如果你人係香港又唔想飛一轉台灣嘅話,有兩個方法比你參考:
一、出外靠朋友,睇下有無住係台灣嘅朋友可以幫手。
二、去到先短住Hostel /酒店/Airbnb,先慢慢搵樓。

睇樓要注意嘅地方:
1.搵人陪你一齊去睇樓,唔好單獨去,一來有人幫下眼,二來又安全。
2.留意住屋附近同屋內環境安唔安全,例如檢查下門窗穩唔穩陣。
3.問清楚會提供咩設備?有無啲咩已經壞左爛左?
   如果係包傢電,有某啲野壞左爛左,要問清楚包租公/婆會唔會整返。
4.如果你係日頭睇樓,建議夜晚再睇多次。
   睇下會唔會太偏僻,有無街燈?夜晚自己返屋企會唔會好危險?

 

真係決定租有咩需要注意?
記得一定要簽約!好多人可能覺得短租嘅話就唔洗簽約,
但為左避免以後有啲咩Argue同保障雙方利益,一定要簽約!
例如水電煤、電話費、管理費呢啲點計?稅金問題?
會所可唔可以用?間屋可唔可以煮野食?
如果係透過中介租屋,費用又點比?要唔要公證?
等等好多問題要注意,下一次再為大家詳細講解。

 

最近雖然好多移民台灣嘅話題, 再會!香港!五招教你移民台灣!
但相信每個人去到陌生嘅地方重新開始新生活都需要好大勇氣。
雖然台灣地大物博,生活環境亦都會比香港舒服,
但每個地區都有唔同生活方式、習慣,要一時三刻適應真係唔易。
希望大家都可以係台灣搵到適合自己嘅Dream house!

 



請即讚好Facebook專頁 → 樂活台灣網
及加入以下Facebook群組:
香港人在台灣交流互動平台 請加入 → 樂活台灣網 - 移民台灣香港人
香港人在台灣吃喝玩樂好去處 請加入 → 樂活台灣網 - 香港人美食旅遊推介
獲得更多台灣資訊

移民台灣香港人在北部商店資料 → http://www.lohastw.net/article-76-1.html
移民台灣香港人在南部商店資料 → http://www.lohastw.net/article-79-1.html
移民台灣香港人在中部商店資料 → http://www.lohastw.net/article-77-1.html

"本站對所有文章的真實性、完整性及立場等,不負任何法律責任。而一切文章內容只代表發文者個人意見,並非本網站之立場"

分享到:

相關閱讀

最新評論

相關分類

分享到:
除論壇外一切文章著作權均為"樂活台灣網"所有 台灣資訊大百科 在台港人的最大支援 香港台灣大交流

官方LINE

重要聲明:本網站是以即時上載文章的方式運作,本站對所有文章的真實性、完整性及立場等,不負任何法律責任。而一切文章內容只代表發文者個人意見,並非本網站之立場,用戶不應信賴內容,並應自行判斷內容之真實性。發文者擁有在 樂活台灣網 張貼的文章。 由於本站是受到「即時發表」運作方式所規限,故不能完全監察所有即時文章,若讀者發現有留言出現問題,請聯絡我們。本站有權刪除任何留言及拒絕任何人士發文,同時亦有不刪除文章的權利。切勿撰寫粗言穢語、誹謗、渲染色情暴力或人身攻擊的言論,敬請自律。本網站保留一切法律權利。