小編亦有自己嘅睇法，創業容易守業難！何況台灣真係太多cafe點樣可以令自己突圍而出呢？尤其是大多香港人移民過黎都未做過生意！ 只係台灣創業成本低香港人可以追求夢想，而呢個夢想你哋會點樣去維持呢？當中嘅學問真係太多⋯⋯ 大家亦都可以睇睇下邊那篇訪問或者可以令你領悟一啲台灣嘅創業思維。 【移民真相系列●台灣】 創業慘過打工 貓叔：「賺蝕都係幾千蚊上落！」「呢度有句說話，叫做『方便當隨便』，簡單嚟講即係得寸進尺。當你同佢哋熟咗，佢哋會覺得好多嘢都係理所當然。好似café生意唔太好，但佢哋覺得每日做九百蚊台幣生意已經OK。好似我話返工用手機都可以，咁佢哋由返工到收工都喺度用 」貓叔說。
有港人夢想來台生活，貓叔直指：「咪玩啦！比較香港，台灣梗係比較適合人住，衣食住行都平啲。最好就係香港打工，台灣生活，但梗係唔係諗得咁好！」他解釋：「好多香港人嚟到都話想過嚟住，我會同佢哋講，除非你唔使養父母，又或者本身好有錢，如果你嚟度想搵份工生活，真係咪玩啦！我認識過到嚟好多都搵唔夠錢使！」不打工，創業較好？貓叔搶答：「都咪玩啦！我自己都搞唔掂呀！呢度café競爭已經唔算大，人流已叫多，但客人都唔夠！」他向記者透露，現時café每個月都在賺蝕之間：「無喺香港咁誇張，賺蝕每個月都係千幾港紙，但係自己都未出到糧。」港人夢想台灣開café？他再勸一句：「除非你好有錢，可以喺商場開，如果唔係，小本生意真係唔好諗！」
【移民真相系列●台灣】港人貓叔開café 「台灣人覺得我哋講效率係癲嘅！」曾於香港工作的台灣人爵爵，與港人貓叔，合作了「爵爵＆貓叔」Facebook專頁，更曾推出三本漫畫。上年他們在高雄開設café，貓叔在訪問中直指，不少港人心目中的「台灣夢」，並沒有想像中簡單。
做過一年廚房佬的貓叔，指香港人什麼都講求效率，見有事發生就立即去解決。但台灣人相反：「如果我企喺台灣人立場嚟睇，就會覺得香港人係癲嘅！因為時時刻刻都係做緊嘢，或者同時間做好多樣嘢，佢哋覺得有無搞錯！」貓叔續指：「好似之前有枱客，會影吓相、叉吓電、傾吓偈，六點坐到十點。喺香港 店主可能會覺得困擾。」
現時貓叔及爵爵的café共有兩層，二樓用作員工宿舍之用，他直言台灣包住的餐廳甚少：「呢度其實都幾難生活，最低工資港幣三十零蚊。但屋租差唔多一萬台幣（約二千六百港元），計埋生活開支等，每個月得番一萬台幣左右，要儲錢其實好難，我就當包住係一種福利！」
"本站對所有文章的真實性、完整性及立場等，不負任何法律責任。而一切文章內容只代表發文者個人意見，並非本網站之立場" |
Facebook請即讚好「樂活台灣網」及加入群組： 移民台灣香港人資訊分享 | 香港人美食旅遊推介
台灣香港人商店： 北部 |
中部 |
南部 |
東部
本站對所有文章的真實性、完整性及立場等，不負任何法律責任。而一切文章內容只代表發文者個人意見，並非本網站之立場。
