||
相信好多香港人來到台灣生活都會買車(不論電單車或者私家車),而都可能會遇到一個一樣問題,炒車。
但係炒車之後可以點做?
(以下係小弟既小小經驗,如果有任何錯既地方,請多多指教)
一但你真係咁唔好彩炒左,不論你炒人或人炒你或者自炒,都要報警先,之後就要做下列呢幾樣野,保障自身利益。
1. 確認自己是否有傷
2. 將現場情況用電話影低
3. 打電話通知保險公司(如果有買保險)
4. 離開現場去視線範圍內而可以見到架車的安全地方
5. 保持冷靜,唔好同對方嘈,等警察到
6. 如果你架車唔可以再動,就叫拖車先
而警察到左之後會做咩?
1. 如果有人受傷,警察會送左佢上白車先
2. 警察會影低現場環境,制作現場環境圖
3. 會同你做酒精測試(吹波仔)
4. 會同你寫口供 (只需要講’當時’ 發生咩事)
5. 最後會比一張報案單你,之後會同你講一大串野,但最後會叫你自己和解。
- 事發後7日可以去警察局拎事故單,上面會寫雙方既對錯比例。
而通常炒車之後,如果你係加害者,又無買車碰車保險,受害人就會等架車報價之後比張報價單你叫你比錢,有保險既就會由保險公司代你同對方求償。
如果到最後雙方都冇辨法和解的話就要去調解啦~
而保險有D咩? 又會保咩? 而又有咩要注意? 小弟會係下一篇再解釋架啦~
以上都只係個人對事件的睇法,只供參考