請選擇 進入手機版 | 繼續訪問電腦版
開啟輔助訪問
 找回密碼
 立即註冊

Sign in with facebook

Connect with friends.

樂活台灣網 首頁 移民資訊 移民參考 查看內容
分享到:

五招教你移民台灣!再會!香港!

2017-10-30 15:23| 發佈者: samlam| 查看: 6468| 評論: 0|原作者: admin

摘要: 唔想因小失大,蝕左錢之餘,仲蝕埋寶貴嘅時間?記住「小心駛得萬年船」,慎選移民方法。

再會!香港!五招教你移民台灣!

想離開香港移民台灣?
有無諗過如果你揀左一間唔可靠嘅移民公司,抑或自己搵會計師搞?如果搞唔掂嘅話,浪費嘅除左係錢之餘,損失嘅時間亦搵唔返黎!所以今日呢個Post就要同大家講下移民台灣, 你可以點揀。

自己攪移民係咪填表咁簡單?
首先,移民台灣而家最常見嘅方法就係「600萬投資移民」,咁係咪話你有600萬台幣拎出黎就完成任務,輕輕鬆鬆就移到民呢?
答案當然唔係啦。

1. 首先要公司名預查,睇下個名有無比人用左
2. 拎啲文件去驗證
3. 拎良民證
4. 要搵個會計師/記帳士黎幫你設立公司。
5. 擬定一份投資計劃申請書。
6. 向台灣經濟部投資審議委員會提出申請。
7. 獲得審批。
8. 係台灣開設公司(籌備處)。
9. 去台灣銀行開設戶口。
10. 匯入資金。
11. 需要本人去銀行做「結匯」。
12. 比會計師審核。
13. 比經濟部投資審議委員會再批核多次。
14. 返銀行將公司(籌備處)變成正式公司戶口。

咁一連串嘅步驟,錯一步分分鐘公司開唔成,公司開唔成自然就無辦法申請居留。

而申請居留部份要有一個台籍保證人,就算你有台灣朋友,佢都唔會輕易做你保證人,因為台灣人聽到個「」字就驚驚。俗語有話:「唔做中,唔做保,唔做媒人三代好。」保證人承擔嘅風險都唔少,要負責被保證人入台之後嘅生活,亦要如果被保證人有咩事要被趕出境,保證人都要負責同負擔果筆錢。所以用錢解決到嘅問題就唔係問題,比錢解決就最方便最穩陣。咁點比錢呢?

有幾個方法:一、上網直接搵人比錢佢,但前提要係信得過。
      二、比錢仲介公司搵人
      三、直接搵移民公司搞掂 
如果搞唔掂呢個保證人,你就無得去申請居留證。

所以無論係開設公司定申請居留當中都有好多文件同流程要跑,何況仲要搵公司地址、自己住嘅地方、請會計去處理公司帳目、身體檢查等等,唔係專業做移民嘅好易搞錯。如果你搵個無移民牌嘅人幫你搞,佢未必係專業,可能好多細節仲唔清楚過你,到時候搞到一鑊泡咁,你要執手尾仲麻煩。

所以唔好比無良商家冷手執個熱煎堆,移民唔可以急,要了解晒啲步驟程序先好開始搞移民,就算你係搵一條龍服務嘅移民公司,都一定要先睇清楚晒啲流程呀!
 


顧問費變 無尾飛陀?
你可能會驚比左咁大筆移民費會唔會好危險?溫馨提示就係睇下係咪政府註冊嘅移民顧問。你可能會話:嘩,咩移民顧問都有得政府註冊架咩?事實係有嘅,移民顧問好專業架,需要有政府認證先可以為你提出移民意見。就以你想移民台灣為例,如果你真係搵移民公司嘅,其實揀香港同台灣兩邊都有移民牌照嘅公司係會安心啲。

台灣有移民牌都唔易,每間都最少要有三個有「移民專業人員資格證明書」嘅人,而呢個證照係隔兩年先可以考一次,仲要每次都只有大概七成人考到,當中都仲有好多流程真係好多步驟好繁複,所以有個台灣移民牌真係唔易。

如果你搵果間移民公司只係香港有牌台灣無,咁到時候到你過左去台灣佢又打完齋唔要和尚,跟住你係台灣公司開唔成,又搵唔到人幫,移民費就凍過水喇。

但細節你都唔可以唔留意,即使你去左一間有註冊移民顧問嘅公司,你都可能揀錯,點解?因為香港好多公司用嘅方法可能係掛牌或者註場制,即係同一個顧問可以係間間公司都可以見到佢,但最後幫你做文件個個又未必係佢,因為呢位顧問唔係其中一間公司嘅員工。所以大家需要好好留意!

 



收費唔透明暗藏陷阱
價錢呢樣野當然都好重要啦,洗左冤枉錢又移唔到民就大檸樂,所以係揀嘅時候,如果你係自己搞就一定雜費一籮籮,例如:
1. 會計師嘅服務費
2. 保證人嘅費用
3. 要請個做公司記帳嘅人
4. 申請健保
5. 申請定居證
6. 申請戶籍
7. 申請身分證
8. 申請護照
9. 到台時候嘅交通費、酒店費

其實仲有好多雜費架,如果你係搵移民公司嘅,你可以通過唔同途徑多啲了解同一個移民公司嘅詳細情況,比如話電話諮詢了解、網絡比較、實地考察參觀、當面上門觀察詢問等等。

市面上都有一啲移民公司會打價格戰術,壓低報價黎吸引想移民嘅香港人。但係當你真係要辦理移民嘅時候,過程中就出現好多「附加」費用,亦即係「隱形消費」。

所以當你了解移民計劃嘅時候,最好就搵價錢清晰、收費透明嘅公司,問清楚究竟包啲咩,唔包啲咩。先唔會比無良商家收你大量嘅隱藏雜費,到時候「偷雞唔成蝕渣米」就唔好啦。

 




點樣移民一定掂?
其實都話唔埋會唔會一定掂,世界上無100%嘅野,你自己都未必搞得掂,又有邊間移民公司可以「包生仔」呢?但你可以睇果間公司移民嘅成功率有幾高,同埋睇下移民計劃有無保證條款,如果移民失敗可唔可以追討返賠償等等。咁先可以比較到唔同嘅移民方法成功率有幾多,自己去取捨用咩方法去移民。睇清楚有保證條款,如果有移民唔成功嘅話會退還款項嘅,對你自身又多左一重保障

 


移到民之後又點算?
除左跑文件同流程之外,後續嘅跟進都好重要。因為畢竟人在異鄉,點都有生活唔習慣嘅地方,公司嘅運作都好重要,唔可以開左個頭之後爛尾。無論係搵地方住方面、又或者係台灣買樓、交通方面、語言方面小朋友讀書搵學校方面,都有好多生活上嘅問題

你自己成功移民到過去嘅,我真係要拍拍手,咁艱辛嘅任務你都完成到,亦都相信你係台灣應該都有唔少朋友,可以幫你解決生活上嘅問題。但如果你係搵移民公司嘅,最好就搵啲會處理後續跟進、幫忙生活需要嘅移民顧問公司,咁如果兩邊都有實體公司,可以係當地有返香港人處理你嘅問題咁就PERFECT池喇。


香港人因為社會政治動盪,民生凋敝,個個都話想「移民」,跟住市場就因應呢個需求,就出現左好多移民顧問公司。你覺得好似選擇好多咁,但其實都係個煩惱黎,如果果間移民公司因為年資低,相關嘅能力同經驗都唔夠,未必可以真係幫到你移民架,到時候搞到七個一皮你仲煩。

移民係一項「重大決定」,過程可以長達幾年,你亦都可能要係決定移民嘅地方生活成世。唔想因小失大,蝕左錢之餘,仲蝕埋寶貴嘅時間?
記住「小心駛得萬年船」,慎選移民方法。

 
(文中圖片皆取自網絡)

分享到:
相關閱讀

Facebook請即讚好樂活台灣網」及加入群組: 移民台灣香港人資訊分享 | 香港人美食旅遊推介
台灣香港人商店: 北部 | 中部 | 南部 | 東部


本站對所有文章的真實性、完整性及立場等,不負任何法律責任。而一切文章內容只代表發文者個人意見,並非本網站之立場。


最新評論

分享到:
除論壇外一切文章著作權均為"樂活台灣網"所有 台灣資訊大百科 在台港人的最大支援 香港台灣大交流
重要聲明:本網站是以即時上載文章的方式運作,本站對所有文章的真實性、完整性及立場等,不負任何法律責任。而一切文章內容只代表發文者個人意見,並非本網站之立場,用戶不應信賴內容,並應自行判斷內容之真實性。發文者擁有在 樂活台灣網 張貼的文章。 由於本站是受到「即時發表」運作方式所規限,故不能完全監察所有即時文章,若讀者發現有留言出現問題,請聯絡我們。本站有權刪除任何留言及拒絕任何人士發文,同時亦有不刪除文章的權利。切勿撰寫粗言穢語、誹謗、渲染色情暴力或人身攻擊的言論,敬請自律。本網站保留一切法律權利。