分享到:

移民台灣投資加盟店好唔好？

2017-11-22 12:16| 發佈者: meg| 查看: 6762| 評論: 0

摘要: 最好比時間睇清楚了解清楚先為一個上策，如果因為投資移民而心急選錯生意果個時候就後悔莫及喇！

香港人移民台灣，投資加盟店創業更方便？

睇到好多人想移民台灣但又唔知做咩生意好，今日同大家分享下加盟店同自己開鋪嘅分別，等大家了解更多係台灣有非常多加盟店嘅選擇，可以講話包羅萬有。小編本身移民過黎都係選擇左加入加盟店，同時亦有去睇過加盟展。如果大家有興趣選用加盟店黎申請投資移民，可以注意以下呢幾點：

1.有無申請投資移民嘅人加盟過？

2.加盟費用包括啲咩？（器材、裝修、宣傳、搵舖位…）

3.咩產品係必須經佢地入貨？

4.每個月有咩需要額外支付？（宣傳費、會計費、手續費…）

5.解約金幾多？續約需唔需要收費？

6.解約後可唔可以繼續經營呢個行業？

如果真係搵到自己鍾意嘅行業，都要清楚了解一啲細節，合約當然要寫清楚先簽，防止日後有啲咩爭拗。因為每間加盟店都會有唔同嘅玩法，小編簡單講下我去加盟展時所得到嘅經驗，佢地通常都會有一個Excel，已經計好日常生意額、開支成本、利潤純利等… 呢個時候大家就要頭腦清晰啲喇！

好似我咁問左一間賣手搖店（珍珠奶茶），唔係好出名嘅品牌，條數計出黎就真係幾好睇架，但細心計出黎係要平均每分鐘賣4杯先做到佢呢條數，仲要冬季生意係會明顯變少，每個月仲要交廣告費、換水濾芯等等費用… 亦問左一間早午餐店，他們比較有系統性，連每一個食材，每一片麵包都計出黎比你參考，計算方法亦比較老實，所以計出黎條數就唔係好吸引。