源記現宰台灣牛肉湯/鍋  港式牛腩想唔想食？

源記現宰台灣牛肉湯/鍋
地址: 台中市南屯區大墩路974號
電話: 04 2328 4488
時間: 星期一  11:30-14:00  15:00-0:00
　　  星期二,四至日  11:30-14:00  17:00-0:00  (星期三休假)

今日經朋友介紹黎到呢間香港人開嘅舖頭，梗係要去支持下啦！一入舖頭環境乾淨衛生，坐低梗係嗌野食時間！

牛肉一定唔可以少，非常值得一提嘅係佢地嘅手打牛丸唔係周圍都可以食到。

另外雲吞都係即日新鮮包唔留過夜，保証你食得開心又放心。

唔好睇少佢個麻辣湯底，佢係越食越辣果種。牛肉就有2款選擇，我比較鍾意嘅係超嫩果種，仲有上圖嘅係「招牌牛肉」。

上圖係「超嫩牛肉」，我地仲有再嗌其他配料。

滷水拼盤

牛筋

蝦每隻大細都非常平均。

牛肉烚出黎真係好新鮮！鄧老闆同我講佢地要確保食物品質，所以一天唔會準備特別多食材，咁樣先可以保持食物質素。睇到老闆同老闆娘一齊分工合作，真係好恩愛呀！舖入邊有2層，上層位置大約可容納16-18人，而下層就大約可容納5-6人，如果同朋友聚會就建議大家可以先提前預約。最後老闆仲送紅豆沙比我地，今晚晚餐就劃上完美句號。