天真爛漫居酒屋 低價高質超人氣放題居酒屋 上台北梗係要食好野啦，又突然好想食日本野，上網見到呢間係香港人開，每日都爆場但又多負評嘅放題式居酒屋，就抱住會中伏嘅心態去試下啦！當日去到walk-in等位，要等成個鐘先有位（當日只不過係星期三）。餐廳位置係板橋南雅夜市入口附近，離捷運站都唔算遠，從府中站行9分鐘左右就到。
門口招牌十分搶鏡，好易就搵到。
居酒屋用人頭收費，一人$398，再加$238 就可以清酒、調酒、啤酒飲到飽。（要加10%）
一入去就可以見到大大隻加菲貓同好多公仔。
一樓是吧台區，適合情侶坐。
吧台區可以直接見到師傅用心切魚生。
製作過程完全透明化，令顧客可以安心享用。 醬料餐具就係用自助方式，自己去拎。
二樓係「和室區」，即係榻榻米，坐位十分闊，十幾人都坐得落。
有三間小榻榻米，一間比較大嘅榻榻米。
餐單上面嘅款式好多，完全唔知要食邊樣先。
我十分推薦鰻魚炒飯，好好食，細細碗又唔會好飽。唔會好似其他放題咁，大大碗飯塞飽你。
味噌魚湯好好飲，亦十分足料。炸豆腐、炸蝦、炸五花肉、可樂餅（我至愛）。
烤魚亦都好好食，燒完嘅魚肉十分好食，唔會太乾。
餐廳所用嘅牛，全部都係用日本和牛，但因為我掛住食，所以冇影到。
一開始見到網上嘅負評真係會怕怕，但當去到之後就發現食物同態度冇網上講到咁差。反而對客人十分熱情，食材方面更加係由老闆親自入貨，保證新鮮。 餐廳資訊: 天真爛漫居酒屋 地址：新北市板橋區南雅南路一段87號 電話：0900 209 223 營業時間：5pm-10pm 收費：星期一至四(假期前夕及當日除外）成人 $398 小孩 $168 星期五至日 及 特殊假期 成人 $428 小孩 $198 |
Facebook請即讚好「樂活台灣網」及加入群組： 移民台灣香港人資訊分享 | 香港人美食旅遊推介
台灣香港人商店： 北部 |
中部 |
南部 |
東部
本站對所有文章的真實性、完整性及立場等，不負任何法律責任。而一切文章內容只代表發文者個人意見，並非本網站之立場。
