事實係：申報就可以唔洗絕育！

動保法有一個條文規定- 特定寵物飼主應該要為寵物絕育，亦有一個紅色橫額寫住罰25萬，
令到大家都覺得恐慌，好多人以為呢個條文代表嘅係100%強制絕育，
但大家可能無注意到嘅係條文嘅後半部寫明左：
「飼主向主管機關申報，並提出繁殖管理說明後，可以不用絕育」！

呢項新條文規定嘅目的在於管理貓狗嘅生育數字，
比政府可以知道台灣有幾多飼主諗住繁殖自己隻寵物、
同埋減少機會呢啲繁殖後嘅寵物會比人棄養。

而且呢項條文可以令非法繁殖業者無得走，
唔可以再用「以封利是補貼之名，行買賣之實」黎逃避法律漏洞，
TSPCA呼籲合法寵物業者應該要大力支持呢項條文先岩！

絕育條文嘅好處：

一、打擊非法繁殖業者
　　繁殖都需要報備，非法繁殖業者唔可以隱藏。

二、有效管理寵物數量
　　由於繁殖都需要報備，主人要再諗清楚啲究竟自己隻寵物需唔需要生。

三、減少寵物行為問題
　　一啲寵物發情時會有嘅問題，例如：亂屙尿、唔小心咬人等等。

四、預防寵物某啲疾病
　　例如子宮蓄膿、乳線腫瘤、圍肛線腫瘤、陰道腫瘤、睪丸腫瘤、會陰疝氣等等。

參考條文：

動物保護法 第二十二條第三項

(1)第二十二條第一項業者以外之特定寵物飼主應為寵物絕育，
但飼主向直轄市、縣（市）主管機關申報並提出繁殖管理說明後得免絕育，
如有繁殖需求亦應申報，並在寵物出生後依第十九條規定，植入晶片，辦理寵物登記。

(2)直轄市、縣（市）主管機關得要求前項申報飼主，提供特定寵物飼養現況及受轉讓飼主資料。

動物保護法 第二十七條

違反第二十二條第三項規定，經勸導仍未改善者，處新臺幣五萬元以上二十五萬元以下罰鍰，
並得公布其姓名、照片及違法事實，或限期令其改善；經限期令其改善，屆期未改善者，得按次處罰之。