點解攞咗身分證就走?!來台2年接觸一些朋友取得身分證後便回流返香港…點解呢?其實每個人都有不同原因。
等小編一一分享給大家聽聽!
已經非常清楚自己過嚟台灣嘅目的 當然有些朋友非常清楚自己只是黎攞定身分證,等之後才過黎享受退休生活。
希望越大失望越大 ! 而當中很多都係美麗的誤會,亦可以話「希望越大失望越大」!台灣創業對香港人來講成本低,令不少朋友充滿憧憬,鼓起勇氣過嚟台灣創一番事業! 但沒有想到當中既現實,現實就係台灣創業成本低亦都表示台灣人消費模式同香港唔同,我哋點樣可以係一個咁知慳識儉既市場成功闖一番事業呢?
港式飲食真係咁易做?
見很多朋友來台灣都主要係開港式飲食,老實講請問有幾個本來喺香港已經係做飲食業嘅呢?又幾多個了解台灣人飲食文化呢?
到最後當然敗走啦…
恩愛成恨 小編亦曾經接觸過一些朋友,佢地由好愛台灣變成憎恨台灣!點解可以咁極端?!就係因為我哋帶咗旅遊心態移民過嚟囉,覺得所有台灣人都係好人,所有台灣人都好有人情味,覺得台灣人乜嘢都好嘅,有冇可能呢?
大家可能忘記咗台灣嘅騙案係最多!
諗清楚台灣人受日本文化影響都好大佢哋嘅性格都會比較有禮貌、客氣、同埋內斂,咁樣係咪代表佢哋好有人情味呢?小編覺得佢哋內心深處真係好驚俾人呃先真!哈哈 請問今次來台灣玩幾日呀?! 再黎就係心態未改!小編初初來台灣亦都犯了這個錯誤!但好快我發現左就自己同自己講唔可以咁樣諗!依一樣就係港紙計算物品的價值(價值觀思維)!呢個做法係非常錯誤!我哋依家係移民過嚟喎,唔係去旅行!連最簡單嘅代入角色都未做好點樣將台灣變做自己嘅家呢?