開啟輔助訪問
 找回密碼
 立即註冊

Sign in with facebook

Connect with friends.

樂活台灣網 首頁 移民資訊 查看內容
分享到:

美國回流阿姨:台灣生活比外國生活好六大優點

2018-5-28 16:10| 發佈者: doris| 查看: 5591| 評論: 0|來自: http://hottopic.chinatimes.com/20180201004273-260804

摘要: 雖然台灣都有好多唔係表面咁美好嘅地方,但係不論去外國/台灣移民其實都需要適應,台灣算係一個香港人比較容易適應嘅地方。


台灣生活比外國生活好六大優點

如果唔想留係香港,大家會選擇移民去外國定近近地嘅台灣?最近一篇新聞就有一個係美國做老師嘅阿姨退休返台灣,列出左台灣六大比外國好嘅優點。所以話如果排除工作因素嘅話,係台灣生活係咪真係比外國生活好呢?

台灣生活比外國生活好嘅六大優點:

1.交通便利性大勝

台灣公共交通算係非常方便,即使係中低收入戶,仍然有公車(巴士)、捷運(地鐵)可以搭,係台中巴士仲要係免費搭。但係外國多數城市,如果你買唔起車,咁你嘅生活就會非常侷限係附近嘅地方。唔好話搵工,就連去個 Supermarket 都非常之麻煩,會變得好無效率,浪費平時通勤嘅時間同成本,同時都唔環保(非常耗油耗能)。

果位美國做老師嘅阿姨以前通勤距離大約係一趟 31 公里,呢個數字差唔多可以從桃園到台北,31 公里係 LA可能仲低於平均公里數。稍為多返少少,每日一趟四、五十公里係件好平常嘅事,聽過最誇張嘅紀錄是每天一趟通勤接近 120 公里,差唔多身等於台北到苗栗。



2.台灣醫療普及同便利

係外國一啲地區,醫療成本非常貴,貴到唔合理。

老師阿姨嘅經驗係有朋友生BB,淨係生產費用已經差唔多四萬美元,即使有錢買保險,一樣非常麻煩。因為唔係每個醫師都接受你買嘅保險,所以到左診所第一件事唔係就醫,而係先檢查你嘅保險有無被呢個醫師或醫療單位接受。然後係外國約醫師係非常麻煩嘅事,等個兩星期係好常見,相對風險就會比較高,尤其如果係六七十歲以上老人或十歲以下幼兒。

但相反台灣,醫療成本比香港、外國都要平,無論你有無健保,睇醫生都唔係貴,醫療質素都好OK,同時都好少出現香港等急症室等半日嘅情況。



3.治安同環境整潔方面比美國多數城市好

治安老師阿姨以 LA 都會區為例,係比較落後嘅區域,隨便就有可能係路上撞見 drug dealer 販售一啲違禁藥品或武器交易;係比較差嘅區域,例如 Inglewood,有時候係一啲偏遠啲嘅倉庫前面發現死屍都唔係咩大新聞。

台灣雖然有時都會有毒品同槍械新聞,但唔會好似外國咁明目張膽,亦唔會咁容易可以獲得,所以治安上都係比外國某啲大城市較為有管制。

環境整潔方面,美國嘅整潔明亮大概只係某啲頂級的商務大樓或旅館飯店。以南加州黎講,即使係知名觀光景點 Santa Monica 或 Venice Beach,裡面嘅公廁一樣係好污髒,甚至仲衰過一啲中國城市嘅景點。

然後如果有去睇過 MLB 或 NBA 比賽,可以睇下賽後嘅座位,通常都係堆滿紙盒或可樂罐。但台灣基本上都唔會咁誇張。



4.台灣人民環保觀念高

係外國/香港,好少餐廳會好似台灣咁,將垃圾分類得咁仔細,然後係能源耗用上,美國同香港都唔會太限制;無論係夏天定冬天,大部分室內都係開晒好勁冷氣,電費都唔會好似台灣咁高於某一個點就要交多啲,所以台灣人嘅環保觀念的確係比某啲國家做得好。



5.公務單位素質與服務,台灣比外國快啲啲

雖然台灣公務單位都唔係特別快,但都唔會好似 Zootopia入面咁果隻樹懶咁慢,果隻樹懶正正反映出外國公務單位嘅速度。以前聽過例子係有碩一就已經考過車牌嘅人,到了碩二下學期,都就黎畢業先收到 DMV 寄來嘅車牌。係外國等一樣野平均等四個月到半年,係一件好平常嘅事。

服務態度上,大家應該都經歷過香港公務人員嘅黑口黑面,呢一方面台灣真係會好啲。



6.台灣天氣適中

雖然台灣空氣上唔係特別好,但溫度上同香港係比較似,唔會好似外國咁會熱到四十五、五十度,都唔會特別凍到負數溫度,所以香港人黎到台灣都會比較接受到當地天氣。




雖然台灣都有好多唔係表面咁美好嘅地方,但係不論去外國/台灣移民其實都需要適應,台灣算係一個香港人比較容易適應嘅地方。無論語言、天氣、居住環境上,都會比外國比較容易適應。希望台灣未來改善就業機會、交通條例、刑責等等呢啲問題,相信台灣都會愈變愈好。


文章參考來源:http://hottopic.chinatimes.com/20180201004273-260804






分享到:
相關閱讀

Facebook請即讚好樂活台灣網」及加入群組: 移民台灣香港人資訊分享 | 香港人美食旅遊推介
台灣香港人商店: 北部 | 中部 | 南部 | 東部


本站對所有文章的真實性、完整性及立場等,不負任何法律責任。而一切文章內容只代表發文者個人意見,並非本網站之立場。


最新評論

分享到:
除論壇外一切文章著作權均為"樂活台灣網"所有 台灣資訊大百科 在台港人的最大支援 香港台灣大交流
重要聲明:本網站是以即時上載文章的方式運作,本站對所有文章的真實性、完整性及立場等,不負任何法律責任。而一切文章內容只代表發文者個人意見,並非本網站之立場,用戶不應信賴內容,並應自行判斷內容之真實性。發文者擁有在 樂活台灣網 張貼的文章。 由於本站是受到「即時發表」運作方式所規限,故不能完全監察所有即時文章,若讀者發現有留言出現問題,請聯絡我們。本站有權刪除任何留言及拒絕任何人士發文,同時亦有不刪除文章的權利。切勿撰寫粗言穢語、誹謗、渲染色情暴力或人身攻擊的言論,敬請自律。本網站保留一切法律權利。