||
小弟係上一篇有提過,係台灣炒車可以點? 如果你有買保險既話就可能由保險公司幫你賠償同整車,可能一蚊都唔洗比就可以攪掂。但又可以買D咩保險又可以點買? 可以有咩保險可以保障到你地?
係台灣買車既時候,政府規定一定要買強制險(唔買要罰錢架),但除左強制險之外,你仲可以加買其他保險去保障自己。但係咁多種保險,邊種先至岩自己?
· 強制險
強制險係保障發生單一汽車事故(即自炒)而發生既受傷。
而保費係點?
假設投保人係35歲,第一次投保既費用係台幣 $1398(一年),之後如果你冇出事,你每年既費用會愈來愈低。
在每年續保前未發生事故,每年強制險費用減一級(最低等級一)。相反的話每年加三級(最高等級十)。如下圖
而除左強制險之外,仲可以買埋以下既保險,令自己有多D保障
1. 汽車第三人責任保險(包括人身傷害與財物損失)。
保障你係撞車之後,對象或第三人財物受損,人身傷亡之後既賠償費用。
PS. 只係對對方車輛或受傷亡者作出賠償
第三人責任保險之外可以加購既保險:
· 汽車超額責任保險
對於汽車第三人責任保險理賠費用之外既所需要賠償既費用。(例如撞到超跑要賠既費用)
· 駕駛人傷害險
對於駕駛者在發生車禍之後既傷亡,殘費之賠償。
· 乘客責任險
對於車輛乘客在發生車禍之後既傷亡,殘費之賠償。
2. 汽車車體損失保險(包括甲式、乙式或丙式)。
丙式包括: 發生車禍(車同車之間碰撞)之後,由保險公司負責你自己架車既維修。但如果對方係hit and run,報警之後經警察同保險公司查證屬實後,保險公司都會負責對車既維修費用。
乙式包括: 車禍、火災、閃電、爆炸、高空拋物或者其他由空中墜落之物品。
甲式包括: 乙式所包括的所有事情,再加上第三者對車既不友善行為同埋其他保險不包括的事情。
甲乙式的賠償內容包括合理既拖車同維修費用,但如果係因為受酒精或藥物之影響下發生車禍,則不會作出賠償。
3. 竊盜損失相關保險
· 竊盜損失險
· 零件被竊險
· 竊盜代車費用險
車輛被偷之後尋找車輛期間所有代用車之費用。
保險所需之費用因應不同年齡都有落差,實際所需費用請向經紀查詢。
而咁多種保險應該買邊種最好?
如果你只係買二手車,我推薦只係買汽車第三人責任保險同埋丙式汽車車體損失保險就已經足夠。
但如果你係買新車,就要買汽車第三人責任保險、汽車超額責任保險、駕駛人同埋乘客傷害險、乙式汽車車體損失保險,同埋竊盜損失相關保險。
以上意見及見解只是本人朋友之經驗,如有任何不足之地方,請見諒。