一講起台中，好多人就會諗到宮原睇科，逢甲夜市，一中街，東海大學既路思義教堂。

來來去去都係呢幾個地方，你唔悶我都悶啦~

今次就要帶大家去台中海線附近睇下有咩好地方啦

第一站就帶大家去到位於台中最近海既一個地方------清水，去到既時候已經係中午， 所以就去左一間「阿財米糕店」醫肚，而我同女朋友就叫左 兩個米糕 一個小菜 一個麵 加加埋埋都係 一百多少少台幣，真係抵到拍拍聲~

食飽飽緊係要行下啦。

第二站就去左台中唯一一間百年國小「清水國小」

清水國小係一間係日本統治台灣時候起既國小，入面充滿著文化氣息，加上舊式建築帶來古色古香既感覺，真係令人有置身其中既感覺。當日仲見到有幾個畢業生入去影畢業相。(台灣國小係星期六日都會開放一般民眾進入使用操場)

行完國小之後都以經就到黃昏既時間，所以就去高美濕地睇日落啦~

第三站------高美濕地睇日落     高美濕地可以行出去到外面睇日落，但係小心睇完日落行番去既時候會好黑